Feilin şəxssiz formaları: nə vaxt to, nə vaxt -ing

Niyə lazımdır

Bu formalar hər yerdədir: hobbindən danışanda (I enjoy drawing), planını deyəndə (I want to study medicine), bir işi niyə etdiyini izah edəndə. Səhv forma cümləni ya qeyri-təbii edir, ya da mənasını tam dəyişir.

İmtahanda bu suallar adətən qısa olur, amma variantlar bir-birinə çox oxşayır. Feilləri qruplar halında yadda saxlasan, cavabı tez taparsan və vaxtını uzun mətnlərə saxlayarsan.

İmtahan bu mövzuda nə soruşur?

Qayda

• Şəxssiz formalar şəxsə və kəmiyyətə görə dəyişmir, müstəqil xəbər olmur. Məsdər və cerund belə formalardır.
• Məsdər adətən to + feilin əsas forması şəklindədir: to swim. İnkarı not to swim olur.
• plan, hope, agree, choose, decide, deserve, expect, fail, need, offer, promise, want, wish, can’t afford, would like ifadələrindən sonra to ilə məsdər işlənir.
• ought to, have to, be able to quruluşlarında da əsas feildən əvvəl to gəlir.
• Bir çox sifətdən sonra məsdər işlənir: It is useful to revise.
• Məsdər məqsəd də bildirir: She called to apologise. — Üzr istəmək üçün zəng etdi.
• Tamamlıqla quruluş belədir: ask, tell, advise, allow, expect, order, remind, want, permit, encourage, invite, teach, would like + tamamlıq + to + əsas forma. Əvəzlik tamamlıq formasında olur: me, him, us.
• Let, make məlum növdə tamamlıq + to-suz məsdər tələb edir. Make məchul növdə olduqda to işlənir: He was made to apologise.
• Cerund feilin isim xüsusiyyətləri daşıyan -ing formasıdır: swimming; inkarı not swimming.
• enjoy, suggest, imagine, keep, mind, miss, practise, recommend, risk, can’t help ifadələrindən və sözönülərdən sonra cerund işlənir: without asking.
• Remember, forget ilə cerund əvvəl baş vermiş hadisəni xatırlamaq və ya unutmaqdır; məsdər isə görülməli işi yadda saxlamaq və ya unutmaqdır.
• Regret ilə cerund edilmiş hərəkətə peşmanlığı, məsdər isə adətən pis xəbəri bildirməkdən təəssüflənməyi ifadə edir.
• Stop ilə cerund həmin hərəkəti dayandırmaq, məsdər başqa hərəkəti etmək üçün dayanmaq deməkdir.
• Mean ilə cerund bir işin nəyi tələb etdiyini və ya nəzərdə tutduğunu, məsdər isə niyyəti bildirir.

Nümunələr

Tipik səhv

Hər iki feil arasına avtomatik to qoyma. Make və let məlum növdə tamamlıqdan sonra to-suz məsdər istəyir, ona görə to wait burada səhvdir.

Seçimdən əvvəl idarə edən feili, tamamlığın olub-olmadığını və cümlənin mənasını yoxla.

Özünü yoxla

• İngilis diliModal feillər (Modal Verbs)İmtahanda boşluğu uyğun modal feillə tamamlamaq, düzgün cümlələri seçmək və mətnlə dialoqda bacarıq…
• İngilis diliMəchul növün zaman formalarıİmtahanda iki tip tapşırıq gəlir.
• İngilis diliModal feillər məchul növdəİmtahanda qarışıq verilmiş sözlərdən düzgün sıralanmış məchul cümlə qurmaq, boşluğa uyğun modal feil və…
• İngilis diliToo və enough + to məsdərİmtahanda qarışıq verilmiş söz və ifadələrdən düzgün cümlə qurmaq tapşırığı verilir, məsələn, inkar cümləni…